I am DinkuTaka, Are you?

డింకుటక పార్టీ అభిమానులారా, మీరంతా మా పార్టీలో చేరండి, మద్దతు పల్కండి. అందుకు మీరు చేయాల్సిందల్లా పేస్ బుక్ లో లేదా బ్లాగ్ లో ఈ సమాచారం కింద కామెంట్స్ రూపంలో ` I am DinkuTaka, Are you? అని తెలుగు లేదా ఇంగ్లీష్ భాషల్లో టైప్ చేయండి. అంతే మీరు డింకుటక పార్టీలో చేరినట్టే.
  డింకుటక పార్ టీ ఆవిర్భావ కార్యక్రమం తెలుగు తరంగా ఇంటర్నెట్ రేడియో స్టేషన్ లో మార్చి 13వ తేదీ (2013) సాయంత్రం 4-45 నిమిషాలకు జరిగింది. పార్టీ ఆవిర్భవించిన కొద్ది గంటల్లోనే విశేష స్పందన లభించింది. సోషల్ నెట్ వర్క్ ద్వారా అనేక మంది తాము డింకుటకాకు పూర్తి మద్దతు ఇస్తామని చెప్పారు. వారందరికీ పేరుపేరునా కృతజ్ఞాతిభివందనాలు.
  మన పార్టీ - డింకుటక ఎవరికీ తలవొంచదు. మరే ఇతర పార్టీలోనూ చేరదు. పైగా దీనికి ఎల్లలు లేవు. రాష్ట్ర, దేశ సరిహద్దులు చీల్చుకుని ఖండాంతరాలకు దూసుకుపోగల సత్తా ఈ డింకుటకాకు ఉంది. అంతేకాదు, ఈ పార్టీకి భాషాపరమైన అడ్డంకులు కూడా లేవని సవినయంగా తెలియజేస్తున్నాను. హిందీ, మరాఠీ, పంజాబీ, ఇంగ్లీష్ ఇలా ఏ భాషలోనైనా డింకుటక పార్టీ పెట్టుకోవచ్చు. మనందరి లక్ష్యం ఒకటే, ఏదేశమైనా, ఏ ప్రాంతమైనా అవినీతి రహిత నవ్య సమాజాన్ని స్థాపించడమే.
                                                       మీ - నాగ్ (డింకుటక పార్టీ అధ్యక్షుడు)